Silkiprentun

Upphaf silkiprentunar.

Rekja má upphaf silkiprentunar austur til Kína, en þessi prentaðferð var þekkt þar fyrir meira en 2000 árum.  Kínverjar notuðu mannahár, sem strekkt var á tréramma ásamt laufblöðum, sem klippt voru útog þannig var búin til prentmynd,  Mannshár reyndist nógu sterkt og langt þannig að þessi búnaður var nothæfur.  Prentaðferð þessi var mest notuð til fjölföldunar mynda trúarlegs eðlis og til skreytinga.  Þeking þessi barst síðan til Japan. Hófst þá notkun nets, sem ofið var úr silki en stensillinn var gerður úr límefnum.Myndform var skorið úr dýrahúð, olíubornum pappír eða málmþynni, allt eftir því hvað var við hendina.  Stífur bursti var þá notaður til að þrýsta litarefni gegn um opna fleti í neti.

Ekki er með vissu vitað hvar og hvenær silkiprentun hófst á vesurlöndum.  Árið 1907 var takmarkað einkaleyfi veitt Samuel nokkrum Simon, sem bjó í Manchestger á Englandi.  Hann notaði silkinet til að sigta hveiti til brauðgerðar, en hann kom auga á nýja moguleika, en það var að nota silkinet til prentunar og fékk hann takmarkað einkaleyfi fyrir uppgötvun sinni.

Nokkru seinna eftir aldamótin 1900 uppgötvaðist prentskvísan og varð brátt og er enn aðal verkfærið við silkiprentun.  Hófst þá prentun allskonar auglýsingaskilta á karton pappa og en stensillinn var gerður úr einhverskonar pappírsþynnu.  Árið 1928 kom á markað frábært efni til  stensilgerðar  sem unnið var úr málningarefnum.  Prentgæði jukust þá umtalsvert.

Ekki liggur ljóst fyrir hver fyrstur fann upp ljósnæma stensilinn, í likingu við þann sem við þekkjum í dag.  Skömmu fyrir 1915 voru þrír ungir prentarar á vesturströnd Bandaríkjanna að gera tilraunir með að búa til stensil, sem gerður var úr límefni og gelatíni  (matarlím).  Hann var gerður ljósnæmur annað hvort  með potassium sodium eða ammonium bichromate, sem eru þekkt efni í ljósmyndagerð.  Efni þetta ver borið í netið og þurrkað í myrkri.  Síðan var fyrirmynd logð ogan á netið og myndað með einhverskonar ljósgjafa.  Netið var síðan skolað í v olgu vatni þar til óhertir hlutar myndar leystust upp.

Eftir seinnii heimstyrjöldina, 1945 kom nælonið á markað.  Var þá fljótlega farið að vefa fínt net, sem þótti heppilegra og ódýrara en silki.  Síðan hafa komið fram prentnet úr betri efnum svo sem polyester og stáli, til sérstakra nota.

Í dag eru nokkrar aðferðir til að gera stensil til silkiprentunar, má þar nefna filmur í leysiprentara, ljós- næmar capillary filmur og ljósnæman stensil.  Umhverfisvæn polyvinyl alcohol og polyvinyl acetate eru nú uppistaðan í stenslinum, sem gerður er ljósnæmur með diazo íblöndunarefni.

Silkiprentun á stóran þátt í umhverfi okkar.  Alls konar auglýsingaefni og áletranir utan sem innan dyra eru silkiprentuð.  Á skrifstofnunni eru eru öll lyklaborð silkiprentuð.  Í eldhús og baðskáp eru allar krukkur og krúsir prentuð með  púðaprentun.  Í bílnum okkar eru auðeknni á stjórntækjum og í mælaborði einnig silkiprentuð.  Meira að segja leir og postulíns flísar í baðherberginu okkar eru silkiprentaðar, áður en þær eru brenndar Mynstur í fataefni og gardínum eru að jafnaði skreytt með silkiprentun.  Ekki má gleyma allskonar útivistarfatnaði  og íþróttavörum sem að öllu jöfnu eru annað hvort silki eða púðaprentuð. Prentmöguleikar í silkiprentun eru nánast óteljandi.

 

Ítarlegar upplýsingar

Silkiprentunn fyrir byrjendur og lengra komna.
Allmennt Kennsla pdf skjal.
Stensill notkunnarleiðbeiningar pdf skjal
Blæðing litar í silkiprentunn pdf skjal.
Hvernig prenta skal flutningsprentun pdf skjal

Prentlitir til silkiprentunar
Frá Sericol
Polydyne  YD grafískur prentlitur. pdf skjal
Polyplast PY grafískur prentlitur pdf skjal 
Polyscreen PS iðnaðar prentlitur pdf skjal    
Texiscreen Aqua AJ vefnaðarlitur pdf skjal 
Texopaque Classic OP vefnaðarlitur pdf skjal        
Nylobag  NB vefnaðarlitur.pdf skjal .
Nylotex NX vefnaðarlitur.pdf.skjal  

 

Tæki til silkiprentunar
Vastex - prentvélar, þurktæki og fleira
Silki
Sköfur og fl.

Forrit til að reikna út blöndunarhlutfall á sericol litum til að fá út ákveðin pantone lit

FORRITIÐ ER ÓKEYPIS FYRIR VIÐSKIPTAVINI ENSO

Forritið má sækja hér..